Pak para nisjes së punimeve të Parlamentit të ri kryetari i Partisë Demokratike, Lulzim Basha ka mbledhur grupin parlamentar të kësaj partie, ndërkohë që një grup “ushtarësh” të Sali Berishës, “komandantit” të degraduar mbasditen e djeshme me përjashtim nga grupi parlamentar, shprehnin indinjatën e tyre para selisë së PD-së.
Ajo që ra në sy ishte fakti që pas përfundimit të mbledhjes Lulzim Basha me grupin e tij të deputetëve iu drejtua sallës së Parlamentit duke ecur në këmbë. Madje duke kaluar poshtë banesës së ish-kryeministrit Sali Berisha ku qendronin dhe kundërshtarët e vendimit të tij, Edi Paloka dhe Flamur Noka.
