Një shtetas serb është plagosur rëndë në Zveçan, nga operacioni i realizuar sot nga Policia e Kosovë kundër mallrave të kontrabanduara.
Mësohet se i plagosuri u qëllua në shpinë, dhe ndodhet në gjendje të rëndë në spital.
Ndërkohë, anëtarët e Policisë së Kosovës filluan të tërhiqen nga Zveçani.
Drejtoresha e spitalit në Mitrovicën e Jugut, Luljeta Zhubi deklaroi se deri më tani dy policë kanë kërkuar ndihmë mjekësore. Ata janë duke u ekzaminuar për të parë se çfarë lloj lëndimesh kanë pësuar.
Pasi përfunduan punë në një situatë të tensionuar, Policia e Kosovës i tërhoqi autoblindat nga Mitrovica e Veriut për ta vazhduar aksionin kundër kontrabandës në Zubin Potok.
