Jeta e zakonshme e aktorëve nuk përbëhet vetëm nga nënshkrimet e autografeve, fotot e pafundme dhe marrja e çmimeve të shumëpritura. Realiteti i tyre është shumë më kompleks: ata i përmbahen dietave të rrepta ose shtojnë peshë, mësojnë aftësi të reja (që mund të jenë argëtuese, ose jo) dhe shpesh punojnë në kushte që nuk janë aspak komode. Janë 10 shembuj ku aktorëve u është dashur të sakrifikojnë për rolin e tyre.
1. Blake Lively — The Shallows (2016)
Aktorja luajti në një rol ku duhet të vishej me bikini vetëm disa muaj pas lindjes. Në mënyrë që të kthehej në formë, Blake Lively bënte stërvitje fizike për 13 orë në ditë. Duke parë se si duket aktorja në film, ne mendojmë se ajo e arriti qëllimin e saj.
2. Rooney Mara — The Girl with the Dragon Tattoo (2011)
Disa javë para fillimit të xhirimit të filmit, aktorja u zhvendos në Stokholm, në mënyrë që të merrte kohë të mjaftueshme për të thithur atmosferën e qytetit ku jetonte karakteri i saj. Në mënyrë që të hynte plotësisht në rol, Rooney Mara i lyeu flokët nga biondë në të zinj, bëri piercing dhe ndryshoi ngjyrën e vetullave.
3. Jennifer Lawrence— Winter’s Bone (2010)
Meqenëse karakteri i saj ishte një vajzë e një qyteti të vogël që jeton një jetë shumë të varfër në një fermë, Jennifer Lawrence duhej të mësonte se si të bënte disa gjëra jo Hollywood-iane. Për shembull, ajo zotëronte artin e prerjes së pemëve me sëpatë. Të gjithë mund ta dallojmë se sa mjeshtërisht ajo mësoi ta bënte këtë në film.
4. Daniel Day-Lewis — The Last of the Mohicans (1992)
Në mënyrë që të bëhej gati për rolin e Hawkeye, aktorit iu desh të punonte shumë: ai mësoi se si të gjuante, të ndërtonte një kanoe, të përdorte një ‘tomahawk’ dhe të ringarkonte një pushkë gjuetie gjatë fluturimit.
5. Olivia Munn — X-Men: Apocalypse (2016)
Në mënyrë që të luante rolin e Psylocke, aktorja duhet të zotëronte artin e shpatës dhe shumë gjëra të tjera. Pothuajse 6 muaj trajnim rraskapitës prodhuan rezultate të mrekullueshme – 95% e trukeve të treguara në film u bënë nga vetë Olivia Munn, pa modifikime. Humbja e peshës u bë efekti anësor i një trajnimi kaq intensiv – aktorja rrëfeu se kishte humbur 12 kilogramë, por ajo nuk dëshironte vërtet këtë gjë.
6. Hilary Swank — Million Dollar Baby (2004)
Aktorja u vlerësua me Oskar për rolin e ‘Megi-t’. Ajo do të stërvitej për 3 muaj në boks dhe bënte ushtrime me pesha çdo ditë për disa orë. Falë punës së saj dhe dietës me proteina, Hilary Swank fitoi 19 paund muskuj.
7. Dustin Hoffman — Marathon Man (1976)
Në mënyrë që të bëhej në formë për xhirimet, aktori do të vraponte jo më pak se 4 milje çdo ditë. Kur kishte skena ku personazhi merrte frymë dhe nuk kishte energji, ai duhet të vraponte rreth një gjysmë milje paraprakisht që të dukej më i natyrshëm në ekran.
8. Jared Leto — Dallas Buyers Club (2013)
Aktori humbi 30 kg për rolin dhe ishte plotësisht në rol për 24 orë në ditë. Përveç kësaj, Jared Leto mësoi se si të përdorte buzëkuq dhe të depilonte këmbët dhe vetullat.
9. Aaron Eckhart — Rabbit Hole (2010)
Meqenëse ngjarja është e përqendruar në një çift që humbi djalin e tyre, Aaron Eckhart vendosi të fillojë të vizitojë një grup mbështetës për prindërit që kishin përjetuar vdekjen e një fëmije, për të hyrë plotësisht nërolin e tij. Kjo lëvizje ishte goxha e pashpirt sepse aktorit iu desh të shtiret para njerëzve. Sidoqoftë, duket se ia vlente sepse ‘zhytja’ e tij në këtë rol ishte e plotë.
10. Jamie Dornan — The Fall (2013)
Në këtë seri, Dornan luajti një kriminel. Për të hyrë në rol dhe për të kuptuar se si ndihet një person që ndjek të tjerët, aktori bëri një veprim jo të zakontë. Në metro, ai i kushtoi vëmendje një vajze dhe e ndoqi vazhdimisht për disa blloqe ndërsa analizonte ndjenjat e tij. Sipas Dornan, kjo përvojë ishte njëkohësisht emocionuese dhe ‘e ndyrë’.
