Apeli i GJKKO ka rrëzuar kërkesën e mjekut Edvin Prifti, i cili kërkon rikthimin e parave të sekuestruara.
Në total sekuestro e pasurisë nga SPAK ndaj mjekut Edvin prifti ka shkuar në 1 milionë euro.
Emri i Priftit doli pas përgjimeve për rastin e gjyqtares së Krujës, Enkeleda Hoxha. Kardiokirurgu akuzohet se i mori ryshfet kryesekretares së Gjykatës së Krujës, Manuela Mallakuçi për t’i operuar nënën. Vetë mjeku ka pretenduar se pasuria e tij buron nga pronat e trashëguara nga e shoqja, nga paga e tij në punën si mjek, si dhe nga aktivitetet ndërkombëtare ku ka qenë pjesëmarrës.
