Raportimet e medias/Aleksandër Çipa: Nuk respektohet Kodi Etik, cenohet shëndeti mendor i qytetarëve

Kreu i Unionit të Gazetarëve Shqiptarë Aleksandër Çipa duke iu referuar ngjarjeve të fundit tragjike të raportuara në media ka deklaruar se nuk po respektohet kodi etik në media dhe për pasojë po cenohet edhe shëndeti mendor i qytetarëve. I ftuar në emisionin ‘Arnautistan’ të gazetarit Mustafa Nano, është trajtuar raportimi mediatik i ngjarjes së Fierit ku u vra në mënyrë makabre një 8 vjeçar, Çipa vuri në dukje se gazetarët duhet të kenë parasysh shëndetin mendor dhe atë moral kur transmetojnë detaje të ngjarjeve të rënda.