Kosova u trondit mbrëmjen e djeshme nga një sulm me armë ndaj një autobusi, ku mbetën të vrarë 2 nxënës dhe një shofer.
Policia e Kosovës po heton në 3 pista në lidhje me këtë ngjarje të rëndë.
Samedin Mehmeti, drejtori i përgjithshëm i Policisë së Kosovës, tha se hetimet nga autoritetet lidhur me vrasjet në Deçan, janë përqendruar në tre pista kryesore, pa dhënë detaje se cilat ishin ato.
Ndërkohë, ai u shpreh se është ende herët që të ketë persona të dyshuar si autorë lidhur me ngjarjen e rëndë.
