Terrorizonin fshatin me armë, gjykata lë në burg dy të rinj
Dy të rinj, që kohë më parë kanë terrorizuar banorët e fshatit, gjykata e Elbasanit ka marrë vendimin “Arrest me burg”. Ngjarja ka ndodhur në fshatin Polis-Gostimë të rrethit të Librazhdit. E. Ç. dhe E. D. janë prangosur dhe lënë në burg nga Gjykata e Elbasanit. Ata akuzoheshin se terrorizonin dhe konfliktoheshin me armë me banorët të fshatit Polis-Gostimë të Librazhdit.
Burime policore bëjnë me dije se E. Ç. është i përfshirë në ngjarjen e nëntorit të vitit të kaluar në Elbasan. Në këtë ngjarje mbeti i plagosur, E. Ç. Ky i fundit rezulton të jetë vëllai i A. Ç. , që u arrestua në marsin e këtij viti. Ndërsa shoku i tij, E. D. nuk u gjend në lokal. Ishte futur në tualetin e kafenesë. Ndërsa policia ka ushtruar kontroll në lokal, E.Ç u ka thënë se E. D. nuk e dinte se ku kishte shkuar. Kontrolli ka vijuar jashtë lokalit.
Për E. D. kishte dyshime se fshihej tualet. Pas pak minutash del nga tualeti, E. D. Ky i fundit ishte dëmtuar në kokë, por ka thënë se ishte rrëzuar nga një pemë. Policia ka kontrolluar jashtë, ku pas dritares kanë gjetur një armë zjarri e tipit pistoletë. Arma është sekuestruar ndërsa dy djemtë janë arrestuar. Pritet se cfar do të vendosë Gjykata e Faktit në seancën e radhës.
