Elbasan: Policia, 3 arrestime dhe 2 procedime
Prangosen 3 persona dhe procedohen penalisht 2 të tjerë. Kjo, për vepra të ndyshme penale nga komisariatet e policisë Elbasan. Specialistët për Hetimin e Krimit në Komisariatin e Policisë Gramsh arrestuan në flagrancë për veprën penale “Dhuna në familje”. Ky arrestim, për shtetasin A.S., 39 vjeç, banues në Gramsh, , pasi ka ushtruar dhunë fizike dhe psikologjike ndaj motrës së tij .
Ndërsa në Komisariatin e Policisë Cerrik u arrestua në flagrancë për veprën penale “Dhuna në familje”, shtetasi G. J., 40 vjeç. Ky I fundit, banues në Cerrik, pasi ka ushtruar dhunë fizike e psikologjike ndaj nënës së tij.
Nga specialistët e Seksionit të Trafikut Urban dhe Interurban në DVP Elbasan, u arrestua në flagrancë shtetasi T. T., 54vjeç, banues në Elbasan. Kjo, pasi është konstatuar nga shërbimet e policisë duke drejtuar automjetin e tij në gjendje të dehur, në masën 0.61 mg/l.
Sakaq, u referuan materialet në Prokurorinë pranë Gjykatës së Shkallës së Parë Elbasan, për shtetasit: -F. D., 53 vjeç, për veprat penale “Falsifikimi i vulave, i stampave ose i formularëve”, R.M., 58 vjeç dhe E. B., 33 vjeç, për veprat penale “Shkelja e rregullave të qarkullimit rrugor”.
Materialet për të gjitha rastet e përmendura, kaluan në Prokurorinë e Rrethit Gjyqësor Elbasan, për veprime të mëtejshme.
