Nga e hëna, udhëtarëve italianë u kërkohet të tregojnë certifikatën e vaksinimit e njohur si “super pasaporta e gjelbër”. Gjithashtu u kërkohet që të mbajnë një maskë mjekësore specifike për ta përdorur në transportin publik
Mediat italiane shkruajnë se ky certifikim është i rezervuar për ata që janë të vaksinuar plotësisht ose që janë shëruar nga COVID-19 së fundmi. Lejekalimi është po ashtu detyrim për të hyrë në hotele, palestra dhe pishina.
Të mërkurën, Qeveria italiane ka aprovuar masën që u kërkon njerëzve më të moshuar se 50 vjeç të vaksinohen kundër koronavirusit, pasi vendi po përballet me rekorde të reja ditore nga infeksionet me variantin Omicron.
Diku rreth 78% e popullsisë së Italisë është plotësisht e vaksinuar kundër koronavirusit, që mund të shkaktojë Covid-19.
