Kryeministri Edi Rama shpreh ngushëllimet për ndarjen nga jeta të Presidentit të Parlamentit Evropian, David Maria Sassoli.
Në mesazhin ngushëllues, kreu i qeverisë shkruan se ai ishte një europian i paepur dhe politikan i respektuar nga të gjithë, ndërsa vë në dukje mbështetjen që i ka dhënë Shqipërisë.
“Çfarë trishtimi! Miku ynë i mirë, Presidenti i Parlamentit Europian, David Sassoli, një europian i paepur, një italian krenar, një avokat i zjarrtë i Shqipërisë, gazetar i shquar dhe më pas politikan i respektuar nga të gjithë, ndërroi jetë befasisht duke lënë pas një boshllëk të ndjeshëm tek kushdo pati nderin e kënaqësinë ta njihte… Addio caro David, riposa in pace.”
