SPAK e nisi vitin 2022, me kërkesën e datës 6 janar dërguar Kryetares së Kuvendit, Lindita Nikolla, për të hequr imunitetin e deputetëve Fatmir Mediu e Alqi Bllako në mënyrë të përshpejtuar, si persona nën akuza penale.
Deputeti Fatmir Mediu është në proces gjykimi, për tragjedinë e Gërdecit, me 26 viktima dhe qindra milionë euro kosto dëmesh ndaj shtetit, bizneseve e familjarëve, por prej 14 vitesh i pa prekur nga drejtësia, për shkak të mburojës prej familjeve mafioze Berisha-Meta.
Sipas pikës 3 të nenit nr. 118, të Rregullores së Kuvendit, kërkesa e SPAK duhej dorëzuar për votim në parlament brenda datës 23 janar, duke e vendosur si çështjen e parë në rendin e ditës të seancës.
Por nuk u fut fare në seancën e datës 27 janar, sepse nuk u dorëzua nga Këshilli i Mandate-Imuniteteve, mbasi Kryetarja e Kuvendit, Lindita Nikolla nuk e paraqiti kërkesën e SPAK, pa dhënë asnjë sqarim lidhur me shkaqet e bllokimit.
Por as 10 deputetët e PS-PD, anëtarë të Këshillit për Rregulloren, Mandatet e Imunitetin, nuk i kërkuan sqarim krye-parlamentares Nikolla, se përse nuk e zbatoi rregulloren dhe Kushtetutën, për heqjen e imunitetit të deputetëve Mediu e Bllako.
Shkak, thuhet se ka qenë “humbja” e shkresës që ka dërguar SPAK në zyrën e Lindita Nikollës; madje më pas dhe mohimi prej saj, se gjoja SPAK nuk i ka dërguar kërkesë; por kjo duket që është lojë e PS-PD, për të shpëtuar deputetin e Gërdecit dhe deputetin e landfilleve.
Fuqia e presionit të kupolës mafioze politike, ka zmbrapsur dhe shefat SPAK-ut, të cilët nuk po reagojnë për kalimin e afatit 15 ditor, që njeh ligji për kthim përgjigje nga Kuvendi, lidhur me heqjen e imunitetit të Fatmir Mediut e Alqi Bllakos./Pamfleti
