Gazetari investigativ, Artan Hoxha ka publikuar pamje brenda një super plantacioni me kanabis .
Parcela me kanabis, sipas gazetarit, ndodhet brenda Shqipërisë, edhe pse zona nuk bëhet e ditur.
Hoxha ka dhënë edhe detaje nga bima e veçantë që po rritet aty, për të cilën thotë se është e hibride e modifikuar në laborator në Spanjë dhe e sjellë në Shqipëri.
Sipas gazetarit kjo është hera e parë që kjo farë kanabis mbillet në vendin tonë dhe ka marrë emërtimin “Gorrilla”.
Siç shihet nga pamjet ndryshe nga sa jemi mësuar të shikojmë bimë kanabis të gjata mbi 2 metra, kjo bimë është me shtat të shkurtër.
“Sigurisht nuk jemi në Afrikë. As në xhunglën e Amerikës Latine.
Por jemi në xhunglen shqiptare, me hibridin më të ri të kanabisit Made in Albania, “Gorrilla”.
Një e farë e modifikuar në kushte laboratorike në Spanjë dhe e kultivuar për herë të parë në Shqipëri, që piqet brenda 60 ditësh…”, shkruan Hoxha.
