Është ndarë nga jeta ish-eurodeputeti Eduard Kukan në moshën 82 vjecare.
Kukan ka qenë mbështetës i Shqipërisë në Parlamentin Europian si dhe kryetar i grupit të punës të Komitetit të Punëve të Jashtme të PE për Ballkanin Perëndimor. Në disa raste ai është bërë pjesë e delegacioneve ndërkombëtare për zgjidhjen e krizave politike në vendin tonë.
“Duke shërbyer në kohë tepër kërkuese, ai ia kushtoi jetën ndërtimit të Shërbimit të Jashtëm të Sllovakisë. Vendimet e tij vendimtare bënë të mundur anëtarësimin tonë në Bashkimin Europian dhe NATO.
Pa të, historia e Sllovakisë mund të kishte qenë tepër e ndryshme”, thuhet në njoftimin e Ministrisë së Jashtme të Sllovakisë në Twitter.
