Stevo Pendarovski, presidenti i Maqedonisë së Veriut, i qenë prezent në emisionin “Utrinski Brifing”, ka artikuluar dhe disa informacione “sekrete”lidhur me konfliktin e porsa nisur të luftës putiniane për pushtimin e Ukrainës. I prononcuar lidhur me sanksionet e ndërmara prej shteteve perëndimore, midis të tjerave, Pendarovsky deklaroi se nuk janë të mundshme sanksione të mëdha financiare kundër Rusisë, pas pushtimit të Ukrainës.
“Informacionet e mia thonë se një pjesë e mirë e operacioneve financohen me bitcoin, sanksione më të mëdha nuk janë të mundshme”, tha kreu i shtetit.
Pendarovski shtoi se Rusia ka në dispozicion 500 miliardë dollarë për operacionin në Ukrainë.
“Putini e ka planifikuar këtë ndërhyrje shumë kohë më parë. Vlerësimet se Putin synon të pushtojë në mënyrë specifike Ukrainën datojnë 5 muaj më parë”, tha ai.
Pendarovski beson se nuk do të ketë destabilizim në Malin e Zi dhe Maqedoninë e Veriut si shtetet e fundit anëtare të NATO-s.
“Pika më e cenueshme në Ballkanin Perëndimor është Banja Lluka. Ajo që thonë thonë influencuesi se në radhë janë Mali i Zi, Maqedonia, nuk është e vërtetë ”, thonë informacionet e Pendarovskit, i cili pretendon se komunikimi midis Milorad Dodikut dhe Vladimir Putin ishte intensiv dhe se Dodik mund të vendoste për të ashtuquajturën shkëputje e padeklaruar. Ai shton se rezervat e mallrave në Maqedoni për momentin janë brenda kufijve të përcaktuar.
