Një sulm ushtarak rus goditi një pikë kalimi evakuimi në periferi të Kievit të dielën, duke vrarë një familje me dy fëmijë dhe disa civilë të tjerë që përpiqeshin të largoheshin nga pushtimi rus, sipas kryebashkiakut të qytetit.
Në një kohë që viktimat civile kërkojnë siguri nga sulmi rus vijon të shtohet në rrugët e qyteteve.
Dy predha goditën pikën e kontrollit në periferi të Irpin, në veriperëndim të Kievit, thanë autoritetet ukrainase, e cila ka qenë vendi i sulmeve intensive nga ushtria ruse ditët e fundit.
Kryetari i bashkisë së Irpin, Oleksandr Markushyn tha se tetë civilë janë vrarë në të gjithë qarkun dhe mediat ndërkombëtare që filmuan në pikën e kontrollit raportuan se një predhë ra ndërsa një grup njerëzish po kalonte.
“Një familje vdiq,” tha Markushyn në një deklaratë. “Përpara syve më vdiqën dy fëmijë të vegjël dhe dy të rritur”.
Video nga momenti kur sulmi vrau një familje tregon një ushtar ukrainas duke qëndruar jashtë një ndërtese në një rrugë. Papritur në video shihet dhe dëgjohet një shpërthim. Shihen mbeturinat duke rënë mbi ndërtesë dhe rruga është e errësuar nga një re pluhuri.
Ndërsa skena fillon të pastrohet, dikush shihet duke tërhequr ushtarin ukrainas. Ushtarë të tjerë vrapojnë nëpër rrugë dhe duket se po kontrollojnë gjendjen e një numri individësh në terren.
“Mjek,” dëgjohet dikush duke bërtitur vazhdimisht.
Fotografitë nga Associated Press treguan trupa në tokë të mbuluar me çarçafë, me valixhe që qëndronin drejt aty pranë. CNN ka përcaktuar se civilët u vranë në sulmin ushtarak rus që shihet në video.
Administrata Rajonale Ushtarake e Kievit u bëri thirrje organizatave ndërkombëtare për ndihmë në zgjidhjen e një krize humanitare në rritje.
“Mijëra njerëz u gjendën në izolim, për shkak të armiqësive të drejtpërdrejta, dhe në disa vende për 5-6 ditë mbijetojnë pa energji elektrike, ujë, ushqim, ndihmë mjekësore dhe mjete jetese. Ata janë në rrezik të drejtpërdrejtë”, thuhet në njoftim.
Kliko këtu për VIDEON
