Pasi Ronaldo i theu celularin pas dëshpërimit nga humbja me Everton, situata te Man. United mbetet shumë delikate.
Policia vijon hetimin dhe mund të dale së shpejti në një vendim ndërsa djali i vogël autik ka marrë mijëra mesazhe mbështesëse e nga ana tjetër Ronaldo është në një pozicion të vështirë te “djajtë e kuq”.
Ka presion nga jashtë që duan nga klubi një ndëshkim për sulmuesin portugez për sjelljen e tij pas ndeshjes por mesa duket nuk do të ndodhë diçka e tillë.
Man. United ka vendosur të mos marrë asnjë masë ndaj yllit të tij, çka do të ndikonte në përkeqësimin e mëtejshëm të situatës në skuadër apo dhe në raportet mes drejtuesve dhe sulmuesit.
Të nesërmen e incidentit, Ronaldo kërkoi ndjesë dhe e ftoi djalin e vogël në ndeshjen e radhës në stadium por nuk dihet ende nëse do të ketë një “pajtim” mes palëve.
