Vendi në orët e para të ditës së shtunë do të jetë në ndikim të një fronti i cili do të sjellë reshje shiu e shtrëngata kryesisht në veriperëndim.
Gradualisht reshjet gjatë ditës do të ndërpriten duke i lënë vendin motit me diell i cili do të jetë prezent edhe gjatë ditës së diel, raporton Shërbimi Meteorologjik Ushtarak.
Era e vrullshme jugore e mëngjesit së të shtunës do të zëvendësohet nga era e lehtë e deri mesatare nga kuadrati i jugut. Valëzimi në bregdet pas kalimit të këtij fronti 2 dhe 3 ballë.
