Flamur Noka, do të jetë Sekretari i Përgjithshëm i Partisë Demokratike. Pas përfundimit të procesit të numërimit të votive që zgjati disa orë në selinë blu, Noka rezultoi fitues me një diferencë të thellë votash përballë Arben Ristanit.
Më tej, gara për nënkryetarët ishte e ngushtë. Fitues u shpallën Oerd Bylykbashi dhe Luciano Boçi, ndërsa Belind Këlliçi qëndroi deri në fund në garë për shkak të diferencës së ngushtë.
Në Këshillin Kombëtar të PD, u votua gjithashtu edhe sekretariatet e reja, ku demokrati Ivi Kaso u zgjodh Sekretar për Çeshtje Ligjore dhe Çështje Elektorale, kurse Ervin Minarolli do të jetë Sekretari i Ri Organizativ.
Pas përfundimit të mbledhjes së parë të Kryesisë, ish-kryeministri njëkohësisht kryetari Sali Berisha u shpreh se nuk do të ketë dublim funksionesh dhe se do të ketë një shpërndarje sa më të gjerë të posteve.
Procesi i Rithemelimit të PD që nisi nga 11 dhjetori me Kuvendin Kombëtar, tashmë është I kompletuar, pasi PD i ka të gjitha strukturat e plotësuara.
Sekretariatet dhe fituesit:
Sekretariati për Cështjet Zgjedhore, fiton Ivi Kaso
Sekretatiati për Pushtetin Vendor, fiton Ylli Asllani
Sekretariati për të drejtat e njeriut, fiton Bislim Ahmetaj
Sekretariati për Burimet Njerëzore, fiton Ervin Minarolli
Sekretariati për Integrimin Europian, fiton Edmond Spaho
Sekretariati për të perndjekurit Politik, fiton Lorenc Luka
Emigracioni dhe Diaspora, fiton Indrit Hoxha
Organizatat partnere, fiton Megi Balliu
Sekretariati per transparence, fiton Ledina Mandia
Sekretariati per Marredheniet me Publikun, fiton Jola Hysa
