Një vajzë 11 muajshe është vrarë në një çerdhe në Francë nga edukatorja e tij.
Ngjarja e rëndë ka ndodhur në Lion, ku edukatorja e vrau të miturën duke e detyruar të pinte detergjent që përdorej për të zhbllokuar lavamanët.
Sipas autoriteteve gruaja pranoi vetë krimin, ndërsa tregoi se e spërkati vajzën me substancën kimike pasi ajo po qante shumë, dhe më pas e detyroi që ta pinte. Rreth orës 8 të mëngjesit personeli i çerdhes ka kërkuar ndihmën e urgjencës, e cila e transportoi fëmijën në spital, por e mitura nuk arriti të mbijetojë për shkak të djegieve të tmerrshme.
Zyra e Prokurorit Publik të Lionit hapi një hetim për incidentin, por sipas shtypit vendas, episode të keqtrajtimit të fëmijëve që qanin tashmë ishin raportuar në të njëjtën strukturë.
