Qeveria e Greqisë po përshpejton vendimet për rritjen e re, të tretë me radhë të pagës minimale në 751 euro dhe për heqjen ose të paktën përgjysmimin e tarifës së shërbimit që rëndon mbi bizneset, raporton Protothema.
Tashmë ka nisur puna përgatitore për këto masa në mënyrë që vendimet të merren më herët, ndërsa nga kjo rritje e pagës pritet të përfitojnë edhe emigrantët shqiptarë që jetojnë dhe punojnë në Greqi.
Synimi është, nga njëra anë, që paga e re minimale të zbatohet ndoshta nga fillimi i vitit 2023 dhe nga ana tjetër tarifa nëse nuk zërohet të ulët.
Në shtator qeveria planifikon të ndryshojë profilin e saj politik në ekonomi. Në arsenalin e saj do të ketë të ardhura ekstra që mbledh çdo muaj për shkak të rrjedhës së kënaqshme të mbledhjes së taksave, por edhe hapësirës ekstra fiskale që vjen nga ecuria e turizmit dhe rimëkëmbja më e gjerë e ekonomisë.
Greqia këtë vit ka rritur dy herë pagat, e para u njoftua vitin e kaluar në korrik dhe hyri në fuqi në janar të këtij viti.
Ishte rreth 2% dhe paga minimale arrinte në 663 euro . Pak muaj më vonë, në maj, këtë herë ka ndodhur një rritje e re prej 7.5% , duke e çuar pagën minimale aktuale në 713 euro.
