Shërbimi Meteorologjik Ushtarak bën të ditur se për ditën e sotme një qendër e presionit të ulët e pozicionuar në detin Adriatik do të ndikojë kushtet meteorologjike.
Moti parashikohet me vranësira dhe intervale kthjellimi. Reshjet e shiut do të jenë prezente që prej orëve të para të 24-orëshit përgjatë vijës bregdetare, dhe gradualisht reshjet do të shtrihen edhe në pjesën tjetër të vendit me intensitet mesatar.
Lokalisht reshjet pritet të jenë në formën e shtrëngatave dhe stuhive shoqëruar me shkarkesa elektrike dhe breshër. Në mbrëmje reshjet e shiut do të humbin intensitet dhe territor duke mbetur prezente vetëm në pjesën juglindore të vendit.
Era do të fryjë nga juglindja e jugperëndimi me shpejtësi mesatare dhe hera herës e vrullshme. Valëzimi në dete parashikohet i forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 20/29 | Re diell shi |
| Kukës | 17/26 | Re diell shi rrufe |
| Lezhë | 19/30 | Re diell shi |
| Dibër | 15/25 | Re diell shi |
| Durrës | 21/29 | Re diell shi rrufe |
| Tiranë | 21/30 | Re diell shi rrufe |
| Elbasan | 19/30 | Re diell shi rrufe |
| Berat | 19/30 | Re diell shi |
| Vlorë | 18/30 | Re diell shi rrufe |
| Korcë | 15/25 | Re diell shi rrufe |
| Gjirokastër | 16/30 | Re diell shi rrufe |
| Sarandë | 20/30 | Re diell shi |
