Një ngjarje e rëndë ka tronditur qytetin e Shkodrës mbrëmjen e kësaj të diele, ku një person është qëlluar për vdekje me armë zjarri.
Sipas informacioneve të para bëhet e ditur se vrasja ka ndodhur brenda një lokali, ku 2 persona të maskuar kanë hyrë dhe kanë ekzekutuar shtetasin Erjon Xhenjo.
Sipas të dhënave nga vendngjarja, autorët kanë qenë me motoçikletë dhe janë futur në një rrugicë dytësore duke u larguar me shpejtësi në drejtim të paditur.
Forca të shumta policie ndodhen në vendngjarje dhe po vijojnë punën për identifikimin dhe arrestimin e autorëve.
