Bashkimi Evropian duhet të qëndrojë në terren në një luftë të mundshme tregtare me SHBA-të dhe duhet të hakmerret nëse Presidenti Donald Trump vendos tarifa ndëshkuese ndaj mallrave evropiane.
Kështu ka thënë guvernatori i Bankës së Finlandës, Olli Rehn.
“Gjëja e fundit që na duhet është një luftë e re tregtare midis aleatëve, por ne duhet të marrim masa proporcionale të politikës”, tha ish-komisioneri ekonomik evropian.
Ai i tha Financial Times se “ne nuk mund të dremisim” përballë kërcënimeve të SHBA-ve – “edhe nëse është zjarr miqësor”.
Trump ka paralajmëruar se importet nga Evropa mund të jenë të radhës pasi SHBA vendosi tarifa 25 për qind ndaj importeve kanadeze dhe meksikane dhe një taksë shtesë prej 10 për qind ndaj mallrave kineze.
Tarifat për importet meksikane dhe kanadeze u ndërprenë për një muaj të hënën, ndërsa Kina vendosi tarifa për eksportin e energjisë dhe pajisjet bujqësore të SHBA.
Rehn, një nga 26 anëtarët e këshillit drejtues të Bankës Qendrore Evropiane, pati një ton më luftarak për këtë çështje sesa presidentja e bankës Christine Lagarde.
Në fund të vitit të kaluar ajo i tha FT se BE-ja duhet të synojë një marrëveshje me Trump pasi një luftë tregtare nuk ishte “në interesin e askujt”.
Rehn theksoi se “qëllimi i par” në politikën tregtare evropiane duhet të jetë gjetja e një “zgjidhjeje të negociuar”, pasi një konflikt tregtar në përshkallëzim duhet të shmanget plotësisht në një kohë kur një “luftë brutale” po zhvillohej në kufirin e Evropës në Ukrainë.
Por nëse negociatat dështonin, Evropa duhej të luftonte.
“Nëse pyesni ekonomistët, shumica do të thoshte se do të ishte më mirë që të gjithë të mos hakmerreshin. Por kjo nuk ka të bëjë vetëm me ekonominë, kjo është kryesisht politikë”, tha Rehn.
“Është më mirë të përgatisni masa politike, të konsultoheni me shtetet anëtare dhe në rast se Evropa do të synohet konkretisht nga tarifat, atëherë ta bëni atë më konkrete”, shtoi, duke theksuar se blloku nuk kishte nevojë të zbulonte paraprakisht lëvizjet e mundshme hakmarrëse.
BE-ja mund të hyjë në çdo konflikt me “vetëbesim”, tha ai, duke vënë në dukje faktin se tregu i saj i vetëm, i cili ka një popullsi prej rreth 450 milionë banorë, ishte “interesant për çdo partner tregtar”.
BE ka zgjeruar gjithashtu rrjetin e saj tregtar, së fundmi me katër vende të Amerikës së Jugut që i përkasin grupit Mercosur.
Përpjekjet e mundshme të SHBA-ve për të arritur marrëveshje të njëanshme me vende të veçanta të BE-së ka të ngjarë të dështojnë, tha Rehn.
“Komisioni Evropian ka prerogativa të forta në politikën tregtare, e cila është një mbrojtje për unitetin evropian”, shtoi politikëbërësi veteran.
Evropa u përball me një rritje të ulët dhe një ekspozim të madh ndaj tregtisë amerikane – SHBA është tregu më i madh për mallrat e BE-së dhe burimi i dytë më i madh i importeve në BE pas Kinës – por ajo ende kishte pak arsye për t’u ngujuar nga perspektiva e një lufte tregtare me aleatin e saj më të rëndësishëm.
Teksa një luftë tregtare do të pritej të dëmtonte rritjen në Evropë, efektet e saj në çmimet e konsumit ishin të paqarta, tha bankieri qendror finlandez.
Ai gjithashtu ngriti dyshime mbi argumentin se tarifat ishin një mjet negocimi për të çuar përpara qëllimet e tjera të politikës së Trump.
“Duket se ka një lloj tjetër racionaliteti sesa me atë që jemi mësuar në marrëdhëniet ndërkombëtare”, tha ai.
“Siç e ka deklaruar vetë presidenti Trump, ai është një ‘njeri tarifor’ dhe duket se është një çështje shumë ideologjike për të dhe admin
