Nga Bahri Cani
Presidentja e Kosovës, Vjosa Osmani-Sadriu, e ka caktuar datën 15 prill për mbajtjen e seancës konstituive të Kuvendit të ri të Kosovës.
Ajo bëri të ditur se seanca është caktuar në përputhje me autorizimet kushtetuese dhe afatet ligjore.
Tani dihet pra përfundimisht se kur do të mblidhen deputetët e rinj, por shumë sene janë të paqarta.
E pyetja kryeaore ëahtë a do të zgjidhen organet e reja të Kuvendit, kryetari, nënkryetarët etj. apo do të ketë zhagitje?
Interesante do të jetë po ashtu se ku do të ulen Kurti, Gërwalla-Schwarz, Peci, Emilija Rexhepi dhe të tjerët që janë pjesë e qeverisë. Sepse një prej pikave është edhe betimi i deputetëve. A do të jenë ata më pas pjesë e pushtetit legjislativ apo ekzekutiv?
Seancën e drejtojnë deputeti më i vjetër me ndihmën e më të riut.
Kuvendi konsiderohet i konstituuar vetëm pas betimit të deputetëve dhe zgjedhjes së Kryetarit të ri të Kuvendit, që propozohet nga partia më e madhe parlamentare.
Zgjedhja bëhet me shumicën e votave të të gjithë deputetëve. Nëse zgjidhet, ai apo ajo menjëherë merr drejtimin e seancës.
Më pas duhet të zgjidhen edhe pesë nënkryetarë – tre propozohen nga tri partitë më të mëdha (LVV, PDK dhe LDK), një nga deputetët e komunitetit serb, dhe një tjetër nga deputetët e komuniteteve të tjera jo-shumicë.
Seanca konsiderohet e përmbyllur – e rrjedhimisht Kuvendi i konstituar – vetëm pasi të zgjidhen Kryetari dhe të gjithë nënkryetarët. E problemi kryesor këtu është që nuk ka asnjë afat të përcaktuar kohor për zgjedhjen e tyre, duke lënë hapësirë për zvarritje të procesit.
Por nëse seanca ndërpritet për çfarëdo arsye, pauza nuk mund të zgjasë më shumë se 48 orë.
