Presidenti i Serbisë, Aleksandar Vuçiç i pyetur nëse po mendon të japë dorëheqjen, tha se po e konsideron atë, por si një opsion për të fituar kohë për Serbinë.
“Një njeri që është në arenën politike e mendon çdo ditë dorëheqjen. Nuk e thashë këtë sepse jam i dobët. Tani për tani, mbështetjen e kam në maksimum historik.
Do të ishte më e lehtë të tërhiqesha tani, rezultatet janë të mira. Spitale, hekurudha, rrugë, stadiume. Pagat u rritën me 120 për qind në janar, paga u rrit gradualisht për një dekadë, paga minimale u rrit në 40.020 dinarë. Nuk do t’u ikja përgjegjësive. Po mendoj momentin për të fituar kohë për vendin tonë.
Po përpiqem të gjej një zgjidhje por nuk e shoh. Po bëhem gati të flas por nuk e di çfarë. Nuk na dhanë një shans, shpresoj që nesër të marrim diçka ndryshe. Posta Shqiptare nuk mund të shërbejë si lajmëtar zyrtar i BE-së”, citohet ai nga B92.
Dorëheqjen, Vuçiç e sheh si një opsion taktik.
“Vetëm për të blerë gjashtë deri në nëntë muaj për vendin tim, vetëm për shkak të interesit të vendit tim. Ne kemi bërë përparim të madh në 10 vitet e fundit. Ne kemi lëvizje të panumërta taktike.
Nëse do të ishte në interes të Serbisë, nuk do të kisha problem me këtë. Njerëzit i shohin rezultatet, luftën në baza ditore. Ne prishim panoramën e përsosur”, tha ai. Sipas Vuçiçit, “ata do të sulmonin Rusinë, por problemi është se ka një vend të vogël ku është shkelur ligji ndërkombëtar, prandaj kërkohet një marrëveshje.
Ata po kërkojnë rrugëdalje, por unë duhet të shoh diçka më të mirë dhe më ndryshe, jo çfarë është plani Kurti plus apo plani Ahtisaarit minus. Si do të mbrohemi, kjo është puna jonë. Ne do ta ruajmë paqen dhe stabilitetin. Nuk do të jetë e lehtë”, përfundoi ai.
