Drejtori i Përgjithshëm i Policisë së Shtetit, Muhamet Rrumbullaku ka deklaruar se është i gatshëm të përgjigjet për rastin e vdekjes së 32-vjeçarit Lear Kurti.
Gjatë seancës dëgjimore të thirrur nga disa deputetë në Komisionin e Sigurisë, Rrumbullaku tha se do të flasë brenda 48 orësh për këtë ngjarje, teksa bëri thirrje që të rrespektohet mundi dhe puna e punonjësve të policisë.
“Për sa kërkohet nga grupi i deputetëve, për çështjet që lidhen me ngjarjet e fundit, të të ndjeritu Kurti, jam i gatshëm të paraqitem brenda 48 orëve dhe të jap shpjegime në lidhje me sa kërkohet nga ana juaj.
Edhe për çështjen e të ndjerit Rasha, duke qenë në detyrën e drejtorit të AMP-së, jam në gjendje të jap të gjitha shpojegimet e duhura.
Do t’iu lutesha, që çdo gjë që mediatikisht shpërndahet për opinionin, nuk do të thotë se janë të vërtetet rerale të hetimeve që kryen institucionet e drejtësisë”, theksoi ai.
