Moderatori i njohur Flor Gjini së fundmi ka dhënë një intervistë për “Natë me Aulonën”, ku ka thumbuar moderatoren Bora Zemani.
Teksa zbuloi detaje rreth largimit nga Top Channel, ai tha se i ishte propozuar që të ishte në goldroom e “Dancing With The Stars”, gjë që nuk i kishte pëlqyer dhe aq shumë të ishte në rolin dytësor.
Gjatë bisedës Flori ironizoi Borën, e cila e moderon këtë emision. “Nuk e marr vëmendjen me puthje. Vëmendjen me puthje e marrin ata që fitojnë edhe vendin e punës”, tha ai, fjali e cila mendohet se i është drejtuar puthjes së moderatores me Donald Veshajn.
Mesa duket vëmendja që po i jepet Borës dhe Donaldit në Top Channel paska shkaktuar pakënaqësi, jo vetëm tek Arbana Osmani ashtu siç po flitet së fundmi, por edhe te personazhe të tjerë të këtij televizioni.
