Protesta e njoftuar ditën e sotme para Parlamentit është shoqëruar sërish me tensione. Disa qindra qytetare, kryesisht te rinj jane grumbulluar ne hyrjen e parlamentit me parrulla dhe me brohoritje antiqeveritare e kunder kryeministrit Rama.
Qytetarët kanë qëlluar me vezë në drejtim të Parlamentit, aty ku po zhvillohet seanca plenare e cila ka nisur që prej orës 10:00.
Po ashtu ata kanë hedhur plehrat mbi makinat e deputetëve të cilat ndodhen të parkuara para institucionit.
Ndërkohë, më herët, grupi i protestuesve që ndodheshin para Parlamentit kanë pritur deputetët, të cilët u futën në sallë për seancën plenare, duke i shoqëruar me thirrjet: “Ju erdhi fundi” dhe “Opozitë e shitur”.
Forca të shumta policie kanë rrethuar zonën para Parlamentit, ndërsa protestuesit kanë afruar aty edhe një kosh mbeturinash duke shkruar emra deputetësh mbi të.
