Ministri i Jashtëm rus Sergei Lavrov thotë se është jetike të shmanget çdo konfrontim ushtarak midis fuqive bërthamore, edhe nëse ai përfshin vetëm armë konvencionale, njoftoi agjencia e lajmeve TASS.
“Është e nevojshme të shmanget çdo përplasje ushtarake midis fuqive bërthamore, qoftë edhe me përdorimin e armëve konvencionale. Përshkallëzimi mund të bëhet i pakontrollueshëm”, tha Lavrov.
Presidenti rus Vladimir Putin ka lëshuar një seri kërcënimesh bërthamore gjatë luftës në Ukrainë.
Megjithatë, disa zyrtarë të lartë kanë mohuar vazhdimisht planet e Moskës për të përdorur armë bërthamore në Ukrainë.
