Këshilli i Bashkimit Evropian ka zbardhur agjendën e samitit mes liderëve të BE dhe Ballkanit Perëndimor, që mbahet në 6 dhjetor në Tiranë.
Në fund të samitit, liderët pritet të kenë një deklaratë.
Aktiviteti do të nisë në orën 10:15, me mbërritjen e delegacioneve dhe pritjen zyrtare. Në orën 11:45 është planifikuar fotoja zyrtare. Në 12:15 programi vijon me seancën plenare dhe drekën e punës dhe në orën 14:30 me konferencën për shtyp.
E marta e 6 dhjetorit pritet të zyrtarizohet ditë pushimi për kryeqytetin.
Nga Bulevardi “Dëshmorët e Kombit”, sheshi “Nënë Tereza” dhe përreth stadiumit Arena Kombëtare do të aplikohen 16 nivele të sigurisë së Policisë shqiptare në bashkëpunim me protokollin e sigurisë së Brukselit.
Godina e Këshillit të Ministrave është parashikuar si plan B për mbajtjen e Samitit, sipas protokollit të kërkuar nga unioni për çdo të papritur.
