Kryeministri i Shqipërisë, Edi Rama u shpreh sot (e shtunë) se situata e krijuar nga reshjet e fundit në disa zona të veriut është në monitorim të pandërprerë.
Rama ndau sot pamje nga ndihma që po u jepet banorëve të zonave të prekura nga reshjet e fundit në disa zona në veri të vendit.
“Të gatshëm të përgjigjemi për çdo nevojë të njerëzve”, theksoi Rama në një postim në rrjetet sociale.
Qarku i Shkodrës dhe Lezhës ishin zonat më të prekura nga reshjet e dendura të shiut me shumë hektarë tokë nën ujë.
