Kryetari i Partisë së Lirisë, Ilir Meta ka deklaruar se ka marrëdhënie të shkëlqyeshme me SHBA-në. Në emisionin “Mirëmëngjes Shqipëri” është ndalur te raportet me ambasadoren amerikane Yuri Kim.
“Marrëdhëniet e mia kanë qenë dhe janë të shkëlqyera me SHBA sepse kam qenë i vërtetë dhe koha ka treguar drejtësinë e koherencës sime”, deklaroi Meta.
Nga ana tjetër, kreu i PL-së ka ironizuar marrëdhëniet e ambasadores Kim me kryeministrin Rama.
“Demokracia dhe liria në radhë të parë na takon ne dhe duhet t’i zhvillojmë vetë.
Një popull dhe komb i pjekur s’i kërkon përgjegjësitë te të tjerët. Demokracia është e jona, Kushtetuta është e jona dhe duhet t’i dalim për zot vetë që meritojmë të ecim në rrugën e qytetërimit dhe autokracisë”, është shprehur Meta.
