Pas reshjeve intensive të shiut, një rrëshqitje masive toke ka ndodhur në Japoni, ndërsa mediat e huaja raportojnë se të paktën 19 njerëz janë zhdukur.
Moti i keq goditi prefekturën qendrore lindore në Shizuoka, rreth 200 km në jug të Tokios dhe u shkaktua nga reshjet e dendura të shiut që prej ditësh po prekin rajonin.
Imazhet e transmetuara në televizion tregojnë ndërtesa të mbingarkuara nga balta dhe banorë që largohen nga qyteti i Atamit.
“Kur u ktheva, shtëpitë dhe makinat që ishin para tempullit ishin zhdukur”, thotë një qytetar.
Më shumë se 2,800 shtëpi në rajon ishin pa energji, sipas Tokyo Electric Company Company (TEPCO).
Pjesa më e madhe e Japonisë është aktualisht në sezonin e saj vjetor të shirave, i cili zgjat disa javë dhe shpesh shkakton përmbytje dhe rrëshqitje të tokës, duke bërë që autoritetet lokale të lëshojnë urdhra për evakuim.
