Listës së personave të infektuar me Covid-19 së fundmi i është shtuar edhe reperi kosovar, Fero.
Ka qenë vetë ai i cili permes një video të postuar në “InstaStory” bëri me dije se ka rezultuar pozitiv me koronavirus.
Fero ka treguar se më herët nuk e ka besuar virusin dhe ka menduar se është një shaka, derisa është infektuar vetë.
“Kam menduar që koronavirusi është hajgare, ama përnime hiç. Unë jam pozitiv Mos më folni”- shprehet ai në video, teksa duket se në fakt është në gjendje të stabilizuar shëndetësore.
Me këtë video, ai gjithashtu ndërgjegjëson ndjekësit e tij se virusi nuk është shaka.
Numri i personave të infektuar nga Covid-19 gjatë ditëve të fundit ka pësuar një rritje alarmante si në Kosovë njëjtë dhe në Shqipëri.
Ndërkohë, që të dyja qeveritë vazhdimisht u bëjnë thirrje qyetetarëve që të vaksinohen në mënyrë që të parandalojnë përhapjen e virusit.
