Një lajm i trishtë u dha dje për artin shqiptar dhe mbarë Shkodrën. Kryetarja e bashkisë njoftoi ndarjen e parakohshme nga jeta të artistit të madh Kujtim Alija.
Ditën e sotme, Shkodra i dha sot lamtumirën e fundit dirigjentit, i cili u nda nga jeta një ditë më parë.Kortezhi i muzikantit parakaloi nga qendra kulturore e fëmijëve, ku ai kontribuoi për shumë vite, deri tek Teatri Migjeni, shoqëruar nga banda frymore e qytetit verior.
Familjarë, të afërm, miq dhe qytetarë shkodranë shoqëruan kortezhin në nderim të emrit të madh të muzikës shqiptare Kujtim Alija.
“Mjeshtri i Madh” u nda nga jeta parakohe në moshën 60-vjeçare. Mësohet se ai vuante nga një sëmundje e rëndë që i mori jetën.
