Disa nga ne preferojnë ta gdhinë përgjatë gjithë natës, e ndërsa disa të tjerë duan të zgjohen pa zbardhur ende. Pavarësisht diferencave në zakonet e gjumit, ekspertët iu sugjerojnë çifteve diçka tjetër: të përshtasni oraret pasi më e mira është të flini në të njëjtën kohë.
Studime të shumta kanë arritur në përfundimin që çiftet duhet të shtrihen për të fjetur në të njëjtën kohë. Duke vepruar kështu, do të shihni rezultate të tjera në marrëdhënie, por çfarë specifikisht?
1. Do t’i ktheni bisedat e shtratit dhe përkëdhelitë në rutinë
Nëse bini për të fjetur bashkë, para se t’ju zërë gjumi do të bisedoni. Do të flisni për njëri-tjetrin, për të ardhmen tuaj apo për planet e fundjavës në vijim. Kjo i bën bisedat në çift edhe më intime.
2. Mund t’ju ndihmojë të zgjidhni shumë probleme
E dini që gjërat më të vogla mund të kthehen shpejt në debat që shndërrohet në ditë të tëra mërie mes jush. Kur bini për të fjetur në të njëjtën kohë, keni më shumë shanse t’i shmangni të tilla probleme dhe më shumë kohë për t’i zgjidhur.
3. Ti dhe partneri do të jeni më në sinkron
Të biesh për të fjetur në të njëjtën kohë me partnerin ju ndihmon të përshtateni më shumë me njëri-tjetrin, të ndiheni më rehat bashkë. Eshtë ndjesi që e bën raportin tuaj edhe më intim.
4. Shëndeti mendor dhe ai fizik përmirësohen
Trupi juaj performon më mirë në çdo kuptim të mundshëm. Presioni i gjakut ulet, sistemi imunitar forcohet, etj. Nga ana tjetër, shëndeti mendor gjithashtu do të ndikohet nga e fjetura në të njëjtën orë. Ankthi do të reduktohet, do të ndiheni me këmbë në tokë dhe më të relaksuar.
