Kryeministri britanik, Boris Johnson ka ‘shtrirë’ dorën për bashkëpunim me talebanët për një zgjidhje në Afganistan.
Në një përpjekje për të qetësuar situatën, Johnson thotë se situata në aeroportin e Kabulit është më e stabilizuar teksa vetëm dje Britania e Madhe evakuoi 1 mijë të cilët do të pasojnë 1 mijë të tjerë sot.
“Unë dua t’i siguroj njerëzit se përpjekjet tona politike dhe diplomatike për të gjetur një zgjidhje për Afganistanin duke punuar me talebanët, natyrisht, nëse është e nevojshme do të vazhdojnë. Dhe angazhimi ynë ndaj Afganistanit është i qëndrueshëm.”- tha Johnson.
Disa ditë më parë Boris Johnson kërkoi që qeveria që do të krijohej nga talebanët mos njihej, por duket se qasja ka ndryshuar duke parë situatën e tensionuar në aeroportin e Kabulit.
Po ashtu edhe Presidenti i Turqisë, Rexhep Taip Erdogan ishte i hapur për negociata me talebanët.