Uzina Dinamo, Rruga Memo Meto, Tiranë

Fillon ‘krisja’ në PD, nisin zërat e parë që kërkojnë largimin e Berishës

1-3-640x405

Një ditë pas marrjes së postit si drejtuese e Sekretariatit për të Përndjekurit Politikë në Partinë Demokratike, studiuesja Jonida Godole ka bërë një deklaratë të fortë, ku është shprehur hapur se PD duhet të ndahet përfundimisht nga ish-lideri historik Sali Berisha.

Godole solli në vemendje edhe rastin e ish-kancelarit Gjerman Helmut Kohln, ku në një moment të caktuar partisë i është dashur të marrë një vendim, që të ndahej prej tij.

“Vendimi i z. Berisha është vendim personal i tij. Çdo forcë politike tregon pjekurinë e vet pikërisht në këto lloj momentesh të rëndësishme.

Kjo do ta çojë PD përpara ose jo, këto janë kosto që do t’i mbajnë ata. Unë kam thënë që bota ka treguar që dhe personalitete të mëdha, të cilët kanë qenë absolutisht të rëndësishëm për gjithë Evropën, ku kam sjellë në vëmendje rastin e ish-kancelarit gjerman  Helmut Kohl, në një moment të caktuar partisë i është dashur të marrë një vendim, që të ndahej prej tij, por duke respektuar kontributin e tij deri në fund.

Këto janë vendime që i marrin partitë vetë. Këto janë modele që unë i kam sugjeruar. Nëse mua do më pyesin sot nga brenda PD, patjetër që do ta sugjeroj këtë dhe do flas hapur. Por kjo është pjesë e PD, duhet të tregojë se është vërtet një parti që e meriton të vijë në pushtet.

Unë shpresoj shumë që PD të bëjë zgjidhjen e tyre”, ka deklaruar Godole në neës24.

Duke folur për përfshirjen e saj në PD, Godole theksoi se ky është një angazhim vullnetar lidhur me kauzën e zbardhjes së krimeve të komunizmit.

“Sa i përket kauzës së të përndjekurve politikë, për fat të keq nuk ka një forcë tjetër politike këtu, përveç PD, që të jetë shprehur hapur dhe qartë se ai regjim ka qenë kriminal.

Ai regjim ka qenë kriminal. Unë do mundohem që në pak vite të arrijmë të kemi një lloj paqeje, të kemi një transparencë të plotë për krimet e komunizmit dhe një kërkim faljeje reale”, u shpreh Godole.

Kujtojmë se pas shpalljes “non grata” nga DASH amerikanët po bëjnë presion që ish-kryeministri të mos futet në parlament në shtator.

Leave a comment