Futbollisti i Kombëtares shqiptare, Rei Manaj edhe pse shkëlqeu në fazën përgatitore të Barcelonës ku shënoi 4 gola në dy ndeshje, duket se nuk do të jetë pjesë e katalanasve për sezonin e ri futbollistik.
Sipas gazetarit dhe specialistit të futbollit për merkaton, Fabrizio Romano, Barcelona ndodhet në bisedime të avancuar me skuadrën italiane të Spezias.
Romano u shpreh se marrëveshja midis dy klubeve pritet të zyrtarizohet në orët në vijim, teksa merkato e futbollistëve përfundon sonte në orën 24:00.
Nga ana tjetër, Barcelona po kërkon një sulmues, dhe i mbetet fare pak kohë përpara se të kryejë një blerje.