Ka ndërruar jetë në spital 25-vjeçarja e cila u rrëzua ditën e sotme nga anija turistike në Vlorë.
Lajmi është konfirmuar nga policia e Vlorës e cila po vijon punën për identifikimin e saj. Ndërkohë që bëhet me dije se është arrestuar në flagrancë pronari i varkës turistike,Aleksandër Golemaj, për veprën penale “Shkelja e rregullave të mbrojtjes në punë.
Materialet në ngarkim të tij i kaluan prokurorisë së Vlorës për veprime të mëtejshme.
Njoftimi i plotë i policisë: Vlorë
Specialistët për Hetimin e Krimeve në Komisariatin e Policisë Vlorë bënë arrestimin në flagrancë për veprën penale “Shkelja e rregullave të mbrojtjes në punë” të shtetasit A. G., 47 vjeç, banues në Vlorë.
Arrestimi i këtij shtetasi u bë pasi, mëngjesin e sotëm, nga anija turistike ku ishte i punësuar, dyshohet se është rrëzuar një shtetase ende e paidentifikuar, rreth 25 vjeçe, e cila për pasojë ka ndërruar jetë në spitalin e Vlorës. Vijon puna për identifikimin e saj.
Materialet i kaluan Prokurorisë së Rrethit Gjyqësor Vlorë, për veprime të mëtejshem.