Një aksident ka ndodhur në aksin rrugor Librazhd-Qafë Thanë, ku sipas informacioneve paraprake të Policisë së Shtetit rezulton se një 29-vjeçar nga Tepelena ka përplasur me makinën e tij tip “Audi” këmbësoren H. K., rreth 59 vjeçe, e cila aktualisht ndodhet në spital nën kujdesin e mjekëve, ndërsa raportohet se nuk ka rrezik për jetën.
Në njoftimin zyrtar Policia raporton se :
Më datë 05.09.2021, rreth orës 18:20, në aksin rrugor Librazhd-Qafë Thanë, shtetasi E.H., rrerh 29 vjeç, banues në Tepelenë, duke drejtuar mjetin tip “Audi”, ka goditur këmbësoren shtetasen H.K., rreth 59 vjeçe, e cila ndodhet nën kujdesin e mjekëve.
Grupi hetimor ndodhet në vendgjarje dhe po punon për zbardhjen e shkaktut të aksidentit. /Arberianews.net