Pezullohet nga detyra Adriatik Haxhillari, drejtori i një shkolle 9-vjeçare në Stropcke të Pogradecit, i cili dyshohet se se ka ngacmuar seksualisht dy vajza të mitura.
Në njoftimin e bërë publik nga Drejtoria Rajonale e Arsimit Parauniversitar të Korçës, theksohet se Haxhillari do të jetë i pezulluar deri në përfundim të hetimeve që po kryhen ndaj tij.
Për këtë ngjarje, reagoi një ditë më parë edhe ministrja e Arsimit, Evis Kushi, e cila theksoi se Haxhillari do të marrë dënimin e merituar.
