Më së paku dy persona humbën jetën dhe të paktën tetë po konsiderohen të zhdukur, kur u shemb një ndërtesë në Sicili në qytetin Ravanuza, raporton e përditshmja italiane “Corriere dela Serra”.
Fjala është për një ndërtesë katërkatëshe, e cila sipas informacioneve të para shpërtheu si pasojë e rrjedhjes së gazit, transmeton Telegrafi.
Në mesin e të zhdukurve janë edhe dy fëmijë, e të paktën edhe dy ndërtesa janë dëmtuar nga shpërthimi.
Fjala është për qytetin italian me 11 mijë banorë në afërsi të Agridenta.
Në fotografitë dhe videot e para nga Ravanuza, shihen ekipet e zjarrfikësve dhe të shpëtimit duke u ngjitur nëpër rrënoja – duke kërkuar të mbijetuarit e mundshëm.
Ekipet e shpëtimit pas shpërthimit nëpër gërmadha gjetën trupin e pajetë të një burri. E po vazhdojnë kërkimet për të mbijetuarit e mundshëm.
Deri më tani janë shpëtuar dy gra, shkruan CNN. E mediat italiane raportojnë se shembjes së ndërtesës i parapriu një shpërthim.