Policia Kufitare në Qafë-Botë në Sarandë ka sekuestruar 3 armë zjarri në kufirin shqiptaro-grek.
Nga kontrolli i ushtruar në vendin e quajtur “Mesogun i Vogël”, policia ka gjetur dy çanta të zeza, në brendësi të të cilave kishte 2 kallashnikovë, 1 armë zjarri pistoletë, 2 granata dore me ndezës, si dhe 120 fishekë.
Në bashkëpunim me Komisariatin e Policisë Sarandë dhe Prokurorinë e Rrethit Gjyqësor Sarandë vijon puna për identifikimin dhe kapjen e personave të përfshirë në këtë veprimtari kriminale.
