Koreja e Jugut do të ndërtojë një “qytet lundrues të qëndrueshëm”, i pari në botë, në brigjet e një qyteti të madh në vitin 2023.
Projekti, i cili u prezantua të martën do të jetë në brigjet e Busanit, një qytet i madh port i njohur për plazhet, malet dhe tempujt e tij.
Projekti ambicioz është një partneritet i krijuar nga OCEANIX, e cila është një kompani e teknologjisë me bazë në Nju Jork.
Roli i OKB-së duket thjesht këshillues në këtë fazë, por më vonë do të fillojë të punojë në mbledhjen e të dhënave se si funksionon qyteti, raportoi Screenshot.
“Si kryebashkiak i qytetit Metropolitan të Busanit, unë e marr seriozisht angazhimin tonë ndaj kredos ‘I pari në të ardhmen’.
“Ne bashkuam forcat me UN-Habitat dhe OCEANIX për të qenë të parët që do të prototipizonim dhe e përshkallëzuam këtë ide të guximshme sepse e ardhmja jonë e përbashkët është në rrezik përballë rritjes së nivelit të detit dhe ndikimit të tij shkatërrues në qytetet bregdetare,” tha kryebashkiaku Park Heong-joon në një deklaratë për shtyp.
Qyteti lundrues është një përgjigje ndaj ndryshimeve klimatike dhe do të jetë në gjendje të përshtatet me mjediset e luhatshme që sjell ndryshimi i klimës.
