Një aksident ka ndodhur mëngjesin e sotëm në aksin nacional Mallakastër-Memaliaj, në fshatin Krahës, në vendin e quajtur “Kthesa e Kalivaçit”.
Një aksident ka ndodhur mëngjesin e kësaj të shtune në aksin nacional Mallakastër-Memaliaj. Bëhet e ditur se aksidenti ka ndodhur në fshatin Krahës, në vendin e quajtur “Kthesa e Kalivaçit”.
Nga informacionet paraprake mësohet se shoferi me iniciale V. K., banues në fshatin Peshtan, Tepelenë, duke drejtuar automjetin tip “Mitsubishi” ka goditur tre mjete të parkuara(dëme materiale) dhe këmbësorin Q. H., 87 vjeç, banues në fshatin Kalivaç, Memaliaj.
Ky i fundit u transportua për në spital, jashtë rrezikut për jetën, ndërsa shoferi u shoqërua në polici.