Këtë vit Shqipëria në Eurovizion përfaqësohet nga këngëtarja Ronela Hajati dhe këngën e saj ‘Sekret’ një performancë e cila bëri që organizatorët e Eurovizionit t’i tërhiqnin veshin këngëtares shqiptare duke i kërkuar të ndryshojë disa lëvizje provokative në koreografi dhe duke i hequr një foto të Ronelës me balerinët e saj ku shiheshin me duar në pjesën intime të tyre.
Lidhur me këtë lajm që bëri bujë gjithandej, ka reaguar edhe gazetari William Lee Adams i cili ka zbuluar së fundmi se ekipi shqiptar ka marrë një email zyrtar nga Eurovision, ku i është kërkuar ndryshime me koreografinë e këngës.
Gazetari:
Burime më kanë thënë se Shqipëria ka marrë një email zyrtar, ku janë informuar se nuk i ka pëlqyer produksionit apo organizatorëve të Eurovision kjo performancë. Iu është kërkuar që të ndryshojnë disa momente specifike të koreografisë.
