Arrestimi i drejtorit të UKT në Kurbin, Alfred Prodani, për vjedhje, bëri bujë deri në mediat spanjolle. Ka qenë pikërisht prestigjozja MARCA e cila i ka kushtuar një artikull Prodanit, pasi ky është personi i cili vodhi shtëpinë e sulmuesit të Real Madrid, Karim Benzema.
Policia shqiptare, në një operacion të koordinuar me Interpolin, ka arrestuar përgjegjësin dhe drejtuesin e grabitjes në shtëpinë e Karim Benzema-s. Grabitja ndodhi më 27 shkurt 2019 gjatë ndeshjes në Santiago Bernabeu ku Barcelona mundi Real Madridin në rezultatin 0-3.