Në ishullin e Sazanit vijon që të jetë problematike situata e zjarrit. Vatra e zjarrit vijon të jetë aktive prej gati 24 orësh tashmë.
Është bërë e ditur se në terren janë angazhuar 80 forca ushtarake, ku mëngjesin e sotëm, mësohet se janë dërguar edhe 39 të tjerë.
Pavarësisht ndërhyrjes, ende nuk është bërë e mundur vendosja nën kontroll e flakëve.
Rreziku më i madh për ata që po shuajnë zjarrin janë municionet e ngelura nga viti 1997 të cilat mund të shpërthejnë.