Reperi Kanye West ka deklaruar se synon të kandidojë për president të SHBA-së në vitin 2024, pavarësisht se është përballur me disa skandale për sjelljet e fundit, shkruan BBC.
Ylli, i cili ka ndryshuar ligjërisht emrin e tij në Ye, postoi një video të logos së fushatës së tij në mediat sociale, së bashku me titullin “Ye 24”.
Ai gjithashtu pretendoi se i kishte kërkuar Donald Trump që të ishte kandidati i tij.
West kandidoi më parë për president në vitin 2020, ku mori vetëm 70,000 vota.
Pretendimet e tij të fundit erdhën në një video të postuar, pasi West u pa në klubin e golfit Mar-A-Lago të Trump në fillim të kësaj jave, i shoqëruar nga Nick Fuentes, një nacionalist i njohur.
